धरान उपमहानगरपालिकाको मेयरमा कांग्रेसका तिलक राई विजयी
<p>काठमाडौं। धरान उपमहानगरपालिकाको मेयरमा नेपाली कांग्रेसका तिलक राई विजयी भएका छन्।</p>
<p>भर्खरै सकिएको मतगणना अनुसार उनले २६ हजार ७०९ मत प्राप्त गरे। </p>
<p>निकटतम प्रतिद्वन्द्वी नेकपाका प्रकाश राईले २३ हजार ९१४ मत प्राप्त गरेका छन्। </p>
<p>दुईजनाबीचको मतान्तर दुई हजार ७९५ रहेको छ। </p>
<p>तिलक राईको जितसँगै नेकपाको लागि ‘सुरक्षित जोन’ मानिएको धरान उपमहानगरपालिकाको मेयर पद गुमेको छ।</p>
<p>२०४८ सालयता धरानको मेयरमा नेपाली कांग्रेस विजयी भएको थिएन। </p>
<p>२०७४ सालको स्थानीय निर्वाचनमा पनि मेयरमा कांग्रेसबाट तिलक राईकै उम्मेद्वारी थियो।</p>
<p>उनले १६ हजार १०२ मत पाएका थिए। तत्कालीन एमालेको तर्फबाट मेयरमा निर्वाचित तारा सुब्बाले २०९७५ मत प्राप्त गरेका थिए। </p>
<p>दुईजनाबीचको मतान्तर ४८७३ थियो। </p>
<p>तारा सुब्बाको निधनपश्चात रिक्त मेयर पदका लागि धरान उपमहानगरपालिकामा उपनिर्वाचन भएको हो।</p>
<p><br />
</p>
प्रतिक्रिया दिनुहोस्
.jpg)
