नेपाललाई चौथो स्वर्ण, करातेको महिला टीम कातामा पनि स्वर्ण पदक
<p>काठमाडौं। करातेमा महिला टिम कातामा पनि स्वर्ण पदक जितेका छन्। </p>
<p>करातेको महिला टिम कातातर्फ नेपालले २४.८८ अंक हासिल गर्दै स्वर्ण पदक जितेको छ।</p>
<p>सातदोबाटोस्थित कराते हलमा जारी प्रतियोगितामा नेपालले फाइनलमा पाकिस्तानलाई पराजित गरेको हो। पाकिस्तानले २३.३ अंक जोड्यो। </p>
<p>स्वर्ण पदक जित्ने नेपाली टोलीमा सरु कार्की, निर्मला तामाङ र संगिता मगर छन्। यसअघि पुरुष एकलमा मन्डेकाजी श्रेष्ठले स्वर्ण जितेका थिए।</p>
<p>त्यस्तै तेक्‍वान्दोमा कमल श्रेष्‍ठ र ट्रायथलनमा सोनि गुरुङ्गले स्वर्ण जितेका थिए। यो सँगै नेपालको स्वर्ण पदकको संख्या ४ पुगेको छ। </p>
<p>पहिलो चरणमा नेपाली महिला टोलीले २४.७४ अंक जोडेको थियो।</p>
<p>सोही चरणमा श्रीलंकाले २२.५४ अंक हासिल गरेको थियो। त्यस्तै पहिलो चरणमा बंगलादेशले २४.०८ अंक जोडेको थियो। त्यस्तै पाकिस्तानले २५.१४ जोडेको थियो।</p>
<p>नेपाली टोली पहिलो चरणमा श्रीलंकालाई पराजित गर्दै फाइनलमा पुगेको थियो।</p>
<p>पढ्नुहोस्:</p>
<p><a href="https://dekhapadhi.com/news/3162" target="_blank">नेपाललाई तेस्रो स्वर्ण, ट्रायथलनमा सोनीले दिलाइन् स्वर्ण पदक</a></p>
<p><a href="https://dekhapadhi.com/news/3161" target="_blank">करातेबाट नेपालले स्वर्णको खाता खोल्यो</a></p>
प्रतिक्रिया दिनुहोस्
.jpg)
