महिला क्रिकेटः माल्दिभ्समाथि नेपालको १० विकेटको जीत
<p>पोखरा । १३ औं दक्षिण एशियाली खेलकुद (साग) अन्तर्गत् पोखरामा आज भएको महिला क्रिकेटतर्फको प्रतिस्पर्धाामा नेपालले माल्दिभ्समाथि १० विकेटको प्रभावशाली जित हात पारेको छ। </p>
<p>नेपालको जितमा अन्जली चन्दले कीर्तिमानी बलिङको प्रदर्शन गरिन्। </p>
<p>टस जितेपछि माल्दिभ्सले पहिले व्याटिङ रोजेको खेलमा १६ रनमात्र जोड्न सक्यो।</p>
<p>माल्दिभ्सले १०.१ ओभरमा सबै विकेट गुमाएर झिनो योगफल तयार पारेको थियो। </p>
<p>नेपालका तर्फबाट अञ्जलीले ६ विकेट लिइन्, २.१ ओभरमा एक रन पनि नदिए।</p>
<p>छैठौं ओभरमा बलिङ गर्न आएकी अञ्जलीले आफ्नो पहिलो ओभरमै विना कुनै रन तीन विकेट लिइन्।</p>
<p>नवौं ओभरको अन्तिम दुइ बलमा विकेट लिएकी अञ्जलीले ११ औं ओभरको पहिलो बलमा विकेट लिएर आफ्नो ह्याट्रिक मात्र पुरा गरिनन्, माल्दिभ्सको अन्तिम विकेट पनि झारिन्।</p>
<p>माल्दिभ्स्ले लिएको लक्ष्य नेपालले पहिलो ओभरमै पुरा गर्‍यो।</p>
प्रतिक्रिया दिनुहोस्
.jpg)
