वित्तीय सम्मेलन गर्दै सुदूरपश्चिम सरकार
<p>कैलाली। सुदूरपश्चिम प्रदेश सरकारले २० मंसीरमा वित्तीय सम्मेलन आयोजना गर्ने भएको छ। </p>
<p>आर्थिक मामिला तथा योजना मन्त्रालयले आज पत्रकार सम्मेलन गरेर वित्तीय सम्मेलनको तयारीबारे जानकारी गराएको छ। </p>
<p>वित्तीय पहुँच वृद्धिका लागि सचेतना मार्फत प्रदेशमा आर्थिक क्रियाकलाप बढाई आर्थिक विकास गर्ने लक्ष्यका साथ सम्मेलन तय गरिएको आर्थिक मामिला तथा योजनामन्त्री झपटबहादुर बोहराले बताए।</p>
<p>सम्मेलनले सुदूरपश्चिम प्रदेशमा लगानीयोग्य वातावरण निर्माण गर्दै लगानीकर्तालाई आकर्षित गराउन सहयोग पुग्ने सुदूरपश्‍चिम प्रदेश सरकारले अपेक्षा गरेको जनाएको छ।</p>
<p>नेपाल कम्युनिष्‍ट पार्टी (नेकपा) का अध्यक्ष पुष्‍पकमल दाहालले सम्मेलन उद्‍घाटन गर्ने कार्यक्रम छ।</p>
<p>वित्तीय सम्मेलनमा बैंक तथा वित्तीय संस्थाका पदाधिकारी, राजनीतिक दलका नेता, उद्योगी व्यवसायी, स्थानीय तहका प्रमुख तथा अन्य सरोकारवालाको सहभागिता रहने छ।<br />
</p>
प्रतिक्रिया दिनुहोस्
.jpg)
