धनगढीमा प्रथम सुदूरपश्चिम स्पोर्टस् अवार्ड हुने
<p>कैलाली। धनगढीमा प्रथम सुदूरपश्चिम स्पोर्टस् अवार्ड हुने भएको छ।</p>
<p>खेलकुद पत्रकार मञ्च कैलालीले प्रथम सुदूरपश्चिम स्पोर्टस् अवार्ड गर्ने भएको हो।</p>
<p>मञ्चले आज धनगढीमा पत्रकार सम्मेलन गर्दै १५ पुसमा स्पोर्टस् अवार्ड गर्ने घोषणा गरेको हो।</p>
<p>सुदूरपश्चिमको प्रतिनिधित्व गर्दै राष्ट्रिय तथा अन्तर्राष्ट्रिय प्रतियोगितामा सहभागिता जनाएर पदक जित्न सफल खेलाडी, प्रशिक्षक र खेलकुद क्षेत्रमा लागेका व्यक्तिहरूलाई विभिन्न ६ विधामा अवार्ड प्रदान गरिने मञ्चका अध्यक्ष सीताराम ओझाले जानकारी दिए।</p>
<p>ओझाका अनुसार वर्ष पुरुष खेलाडी, वर्ष महिला खेलाडी, वर्ष युवा खेलाडी, वर्ष प्रशिक्षक, स्पेशल अवार्ड र लाइफटाइम एचिभ्मेन्ट अवार्ड प्रदान गरिनेछ।</p>
प्रतिक्रिया दिनुहोस्
.jpg)
