भारतमा वर्षाले घरकाे पर्खाल भत्किँदा १७ जनाकाे मृत्यु
<p>भारत। भारतको तमिलनाडु राज्यमा आज भारी वर्षापछि घरका पर्खाललगायतका संरचनाहरू भत्किँदा चार परिवारका कम्तीमा १७ जनाको मृत्यु भएको छ।</p>
<p>भारी वर्षाका कारण बिहान ती व्यक्तिहरू सुतिरहेको अवस्थामा घरको पर्खाल भत्किएकाे प्रहरीले जनाएको छ।</p>
<p>भारतीय दक्षिणी राज्य तमिलनाडुको गाउँमा भएको सो घटनामा दुई बालबालिकासहित १७ जनाको मृत्यु भएको जनाइएको छ।</p>
<p>मुसलधारे वर्षापछि सो घटना भएको प्रहरी स्रोतले जनाएकाे छ।</p>
<p>स्थानीय समयानुसार आज बिहान साढे ५ बजे सो घटना भएको <em>टाइम्स अफ इन्डिया दैनिक</em>ले जनाएको छ।</p>
<p>भारतमा घरलगायतका संरचना भत्किनु एक सामान्य घटनाको रूपमा रहेको पाइन्छ।</p>
<p>कमजोर संरचनाहरूका कारण यस्तो घटना हुने गरेको विज्ञहरूको भनाइ छ।</p>
<p>गत जुलाईमा मुम्बईमा भएको यस्तै घटनामा कम्तीमा ३० व्यक्तिको मृत्यु भएको थियो। <em>(रासस/एएफपी)</em></p>
प्रतिक्रिया दिनुहोस्
.jpg)
