४६ क्विन्टल अवैध सुपारी बरामद
<p>काठमाडौं। झापाको मेचीनगर नगरपालिका–३, वर्मेली टोलबाट नेपाल प्रहरी र सशस्त्र प्रहरीको टोलीले चोरीनिकासीको करीब ४६ क्विन्टल २० किलो सुपारी बरामद गरेको छ।</p>
<p>१६ वटा साइकलमा राखेर अवैधरूपमा भारततर्फ निकासी गर्दै गरेको अवस्थामा ७७ बोरा सुपारी बरामद गरिएको झापा प्रहरी प्रमुख एसपी दिनेशकुमार मैनालीले जानकारी दिए। </p>
<p>जिल्ला प्रहरी कार्यालय झापा डीएसपी महेन्द्रकुमार श्रेष्ठको नेतृत्वमा इलाका प्रहरी कार्यालय काँकडभिट्टा र सशस्त्र प्रहरी नेपाल २ नम्बर गण हेडक्वाटर झापाको संयुक्त टोलीले सुपारी बरामद गरेको हो।</p>
<p>बरामद सुपारी तथा उक्त साइकल मेची भन्सार कार्यालय काँकडभिट्टामा बुझाइएको छ।</p>
<p>सुपारी तथा साइकलको भन्सार दाखिला मूल्य १३ लाख ६८ हजार रुपैयाँ रहेको प्रहरीले जनाएको छ।</p>
प्रतिक्रिया दिनुहोस्
.jpg)
