तेक्वान्दोमा नेपाललाई थप दुई स्वर्ण
<p>काठमाडौं। १३ औं दक्षिण एशियाली खेलकुद प्रतियोगिता अन्तर्गत नेपालले तेक्वान्दोमा थप दुई स्वर्ण जितेको छ। योसँगै नेपालले पहिलो दिन आज तेक्वान्दोमा ७ स्वर्ण जित्यो।</p>
<p>आज साँझ सकिएको १७ वर्ष देखि २३ वर्षसम्मको उमेर समूह र २३ वर्ष माथिको उमेर समूहअन्तर्गत महिला टीम पुम्सेमा नेपालले स्वर्ण पदक जितेको हो। </p>
<p>१७ वर्ष देखि २३ वर्षसम्मको उमेर समूहमा नेपालकी निशा दर्नाल, स्वस्तिका तामाङ र सन्जिला तिमल्सिनाले नेपाललाई स्वर्ण पदक दिलाए।</p>
<p>यो समूहमा नेपालले भारतलाई पछि पारेको हो। नेपालले ७.९८० अंक जोड्दा भारतले ७.९७० अंक ल्याएको थियो। बंगलादेशले काश्य पदक जित्यो। बंगलादेशले ७.७६० अंक ल्याएको थियो। </p>
<p style="text-align:center"><img alt="" height="865" src="https://www.dekhapadhi.com/storage/photos/shares/Sports/SAG/Mahila-team-pumse.jpg" width="1710" /></p>
<p>यसैगरी, २३ वर्ष माथिको महिला टीम पुम्सेमा नेपालकी निता गुरुङ, प्रशंसा क्षेत्री र सुशिला राईको टोलीले श्रीलंकालाई पछि पार्‍यो।</p>
<p>नेपालले ७.९२० अंक ल्याउदा श्रीलंकाले ७.८१० अंक ल्याएको हो। काश्य जितेको पाकिस्तानले ७.५२० अंक ल्यायो। </p>
<p>यसअघि तेक्वान्दोको १३ इभेन्टमा नेपालका कमल श्रेष्ठ, आयशा शाक्य, पार्वती गुरुङ, सिना लिम्बू मादेन, आयशा र संजिवकुमार ओझाको जोडीले स्वर्ण पदक जितेका थिए। </p>
<p>कृष्णबहादुर तामाङले रजत जित्दा अस्मित रावत र सिना लिम्बूको जोडी, जितबहादुर बोट र पार्वती गुरुङको जोडी, तथा टीम इभेण्टमा कमल श्रेष्ठ, जितबहादुर बोट र प्रेमबहादुर लिम्बूको टोलीले काश्य पदक जिते। </p>
<p><strong>पढ्नुहोस्</strong></p>
<p><strong><a href="https://www.dekhapadhi.com/news/3187" target="_blank">पहिलो दिन करातेमा नेपाललाई ७ स्वर्ण र दुई रजत</a></strong></p>
<p><strong><a href="https://www.dekhapadhi.com/news/3183" target="_blank">दुई छोराकी आमा आयशालाई दुई स्वर्ण</a></strong></p>
<p><strong><a href="https://www.dekhapadhi.com/news/3180" target="_blank">‘बच्चासँग छुट्टिएको डेढ महीना भो, आज मिहिनेतको फल मिल्यो’</a></strong></p>
<p><strong><a href="https://www.dekhapadhi.com/news/3176" target="_blank">तेक्वान्दोमा आयशा शाक्य र पार्वती गुरुङलाई स्वर्ण</a></strong></p>
<p><strong><a href="https://www.dekhapadhi.com/news/3167" target="_blank">तेक्‍वान्दोमा सिनालाई स्वर्ण, नेपालको स्वर्ण संख्या ६ पुग्यो</a></strong></p>
<p><strong><a href="https://dekhapadhi.com/news/3164" target="_blank">महिला क्रिकेटः माल्दिभ्समाथि नेपालको १० विकेटको जीत</a></strong></p>
<p><strong><a href="https://dekhapadhi.com/news/3163" target="_blank">नेपाललाई चौथो स्वर्ण, करातेको महिला टीम कातामा पनि स्वर्ण पदक</a></strong></p>
<p><strong><a href="https://dekhapadhi.com/news/3162" target="_blank">नेपाललाई तेस्रो स्वर्ण, ट्रायथलनमा सोनीले दिलाइन् स्वर्ण पदक</a></strong></p>
<p><strong><a href="https://dekhapadhi.com/news/3161" target="_blank">करातेबाट नेपालले स्वर्णको खाता खोल्यो</a></strong></p>
प्रतिक्रिया दिनुहोस्
.jpg)
