Others

गृहपृष्ठ

पेन्सनधारी उच्चपदस्थलाई २ वर्ष काम गर्न नदिने प्रस्ताव काठमाडौं। सरकारी सेवाबाट अवकाश र राजीनामापछि पेन्सन खाइरहेका विशिष्ट तहका कर्मचारीले दुई वर्षसम्म विदेशी कूटनीतिक नियोग वा संघसंस्थाहरूमा काम गर्न नपाउने कानून बनाउन सांसदहरूले राज्य व्यवस्था तथा सुशासन समितिमा प्रस्ताव गरेका छन्।  सरकारका सचिव र सहसचिव तहमा वर्षौं काम गरेर जागिर छाडेको भोलिपल्टै विदेशी संघसंस्थामा आवद्ध हुनु उचित नहुने भन्दै रोक्नु कानूनी व्यवस्था गर्न प्रस्ताव गरेका हुन्।  संघीय निजामती कर्मचारीको सेवासम्बन्धी विधेयकमाथि समितिमा १६ मंसीरमा  भएको छलफलमा सत्ता र प्रतिपक्षी सांसदहरु यस्तो कानून बनाउन उचित हुने भन्दै प्रस्तावमा एकै ठाउँमा उभिएको कान्तिपुर दैनिकमा समाचार छ। संघीय मामिला तथा सामान्य प्रशासनमन्त्री हृदयेश त्रिपाठी र मन्त्रालयका उच्च कर्मचारीको उपस्थितिमा सांसदहरूले मुलुकमा पेन्सनवाला कर्मचारीबाहेक अरू कोही मान्छे नै नभए जसरी एउटै व्यक्तिलाई जागिर छाडेको भोलिपल्टै अवसर दिनु गलत भएको बताए।