ज्यान मुद्दाका फरार प्रतिवादी ३ वर्षपछि पक्राउ
<p>दमौली। तनहुँमा सवारी ज्यान मुद्दाका एक फरार प्रतिवादी तीन वर्षपछि पक्राउ परेका छन्। </p>
<p>पक्राउ पर्नेमा तनहुँ, म्याग्दे गाउँपालिका-३ बस्ने ३४ वर्षीय थमन भुजेल छन् ।</p>
<p>१७ कात्तिक २०७३ मा पृथ्वीराजमार्गस्थित म्याग्दे-३ मा भएको सवारी दुर्घटनाको घटनामा तनहुँ जिल्ला अदालतले १२ मंसीर २०७४ मा दोषी ठहर गरेको थियो। </p>
<p>भुजेललाई १६ मंसीरमा घरबाटै पक्राउ गरिएको जिल्ला प्रहरी कार्यालय तनहुँका प्रवक्ता लीलाराज लामिछानेले बताए।</p>
<p>भुजेलले चलाएको ना ४ ख ४०१८ नम्बरको बसको स्कुटरमा सवार व्यास नगरपालिका-११ बस्ने २९ वर्षीया ममता दुलालको मृत्यु भएको थियो। </p>
<p>जिल्ला अदालतले भुजेललाई एक वर्ष ११ महिना आठ दिनको कैद सजायँ सुनाएको थियो। </p>
<p>उनलाई कैद भुक्तानका लागि कारागार पठाइएको छ।<br />
</p>
प्रतिक्रिया दिनुहोस्
.jpg)
