Others

गृहपृष्ठ

बागलुङ जीप दुर्घटना अपडेट: १४ जनाको मृत्यु, ३ जना घाइते काठमाडौं। बागलुङमा जीप दुर्घटना हुँदा १४ जनाको मृत्यु भएको छ ।   जिल्ला प्रहरी कार्यालय बागलुङका अनुसार विहान करीब १० बजे जीप दुर्घटना भएको हो।  दुर्घटनामा परेर ९ महिला, ४ पुरुष र १ बालकको घटनास्थलमै मृत्यु भएको प्रहरीले जनाएको छ। मृतकको सनाखत भइसकेको छैन।   ३ जना घाइते छन्। उनीहरुलाई उद्धार गरेर उपचारका लागि बुर्तिवाङ लगिएको जिल्ला प्रहरी कार्यालय बाग्लुङले जनाएको छ। एकजना बेपत्ता छन्। अहिले सुरक्षाकर्मी र स्थानीयले घटनास्थलमा उद्धार जारी राखेका छन्।   मध्यपहाडी लोकमार्ग अन्तर्गतको सडकबाट ५ सय मिटर तल निसिखोलामा जीप खसेको छ।   कुलपुजा गर्न गुल्मीबाट रिजर्भ गरेर लगिएको ग.१ ज ५२१९ नम्बरको जीप दुर्घटनामा परेको हो। कुलपुजाका लागि रिजर्भ गरिएको जीप भएकाले मृत्यु भएका सबै एकै परिवारका हुन सक्ने अनुमान गरिएको छ। जीपमा १८ जना सवार रहेको प्रहरीले जनाएको छ।