Others

गृहपृष्ठ

मिस वर्ल्डका लागि कस्तो तयारी गर्दैछिन् त अनुष्का ? काठमाडौं । मिस नेपाल अनुष्का श्रेष्ठ मिस वर्ल्ड २०१९ को प्रतिस्पर्धामा छिन् । १४ डिसेम्बरमा लण्डनमा आयोजना हुने ६९ औं मिस वर्ल्ड प्रतियोगिताका लागि अनुष्का आफूलाई बलियो प्रतिस्पर्धीका रुपमा अगाडि बढाउँदैछिन् । विश्वभरका ११२ शुन्दरीमाझ आफूलाई बलियो प्रतिस्पर्धीको रुपमा उभ्याएकी अनुष्का मल्टिमिडिया अवार्डका लागि भोटिङमा सबैभन्दा अगाडि छन् । अहिलेसम्म उनले सबैभन्दा बढी १४ दशमलब ६६ प्रतिशत मत पाएकी छन् । जुन अन्यको भन्दा निक्कै बढी हो ।   लण्डन पुगेकी अनुष्काले मिस वर्ल्डका हरेक गतिविधिहरू सामाजिक सञ्जाल फेसबुक तथा इन्स्टाग्राममार्फत सार्वजनिक गरिरहेकी छिन् । हालै उनले लण्डनमा नेपाली दूतावासमा राजदूत डा. दुर्गा बहादुर सुवेदीसँग भेटेर कुराकानी गरेकी छिन् । उनले सुवेदीसँग भेटेर नेपाल-ब्रिटेन सम्बन्धको इतिहास र मिस नेपालले ‘भिजिट वर्ष २०२०’ को लागि खेल्न सक्ने भूमिकाबारे छलफल गरेकी छन् । अनुष्काले सामाजिक सञ्जालमा दिएको जानकारी अनुसार राजदूत डा. सुबेदीले मिस वर्ल्ड जित्ने नेपालको सम्भावनाबारे चासो राखेका थिए ।   उनले राजदूतसँगको भेटका क्रममा आफ्नो क्षमताले सक्नेगरी मिस वर्ल्डमा बलियो उपस्थिति जनाउने बताएकी थिइन्। विगतका वर्षहरूमा समेत नेपालले मिस वर्ल्डमा सहभागिता जनाउँदै आएको थियो । तर गत वर्ष श्रृंखला खतिवडाबाट यसको चर्चा चुलिएको थियो । यो वर्ष पनि धेरैले नेपाललाई बलियो प्रतिस्पर्धीका रुपमा हेरेका छन् ।   अनुष्काले विश्व सौन्दर्य प्रतियोगीताको ताज नेपाल ल्याउने छिन् या के गर्ने छिन्, त्यो डिसेम्बर १४ मा नै थाहा हुनेछ । तर उनले आफुलाई अब्बल प्रतिस्पर्धीका रुपमा चिनाउन कुनै कसर बाँकी राखेकी छैनन् । उनले लण्डन पुगेर भिजिट नेपाल-२०२० को प्रचार-प्रसार समेत गरिरहेकी छिन् ।   मिस वर्ल्डमा विभिन्न १५ विधामा अवार्ड प्रदान गरिन्छ । ति सबै १५ वटा विधाका लागि अनुष्काले तयारी गरिरहेकी छिन् । ‘हेड टु हेड च्यालेन्ज’ मा उनले नेपालको सुन्दरता र भिजिट नेपाल-२०२० को बारेमा बोलेकी छिन् । १४ नोभेम्बरमा सार्वजनिक भएको उनको इन्ट्रोडक्सन भिडियोलाई झण्डै १२ लाख पटक हेरिएको छ । इन्ट्रोडक्सन भिडियोमा नेपालको प्राकृतिक तथा सांस्कृतिक सम्पदाहरू देखाइएका छन् ।   उनलाई मल्टिमिडिया अवार्डका लागि भोट गर्न सकिनेछ । त्यसका लागि मिस वर्ल्डको वेबसाइटमा गएर अनुष्काको तस्वीरमा क्लिक गरेर भोट गर्न सकिन्छ ।    <a href="https://www.missworld.com/#/contestants/5668" target="_blank">https://www.missworld.com/#/contestants/5668</a>