प्रदेश १ का सबै स्थानीय तह सडक सञ्जालले जोडिदै
<p>विराटनगर। प्रदेश १ सरकारले सडक सञ्जालको गुरुयोजना तयार पारेको छ। </p>
<p>स्वीस विकास नियोगको सहयोगमा १० वर्षे प्रादेशिक सडक सञ्जाल तयार पारेपछि मुख्यमन्त्री शेरधन राईले प्रदेश १ ले अब ठोस योजनासहित काम थाल्ने बताएका छन्। </p>
<p>संघीयताको अभ्यासको क्रममा सबैभन्दा पहिलोपटक गुरुयोजना तयार पारेको दाबी गर्दै प्रदेश सरकारले सबै स्थानीय तहका केन्द्रलाई स्तरीय सडकले जोड्ने लक्ष्य राखेको आजको नागरिक दैनिकमा समाचार छापिएको छ। </p>
<p>प्रदेश १ मा १३७ वटा स्थानीय तह छन्। </p>
<p>प्रादेशिक सडक सञ्जाल गुरुयोजनामा सरकारले प्रदेशका सडकलाई तीन प्रकारले वर्गीकरण गरेको छ।</p>
<p>जसअनुसार पहिलो र दोस्रो पाँचवर्षे अवधिमा प्रादेशिक लोकमार्ग एक हजार ७१७ किलोमिटर लामो बन्नेछ भने सहायक प्रादेशिक लोकमार्ग दुई हजार ७८६ किलोमिटरको हुनेछ। </p>
<p>सडक सञ्जालको यो काम पुरा गर्न कूल दुई खर्ब चार अर्ब रूपैयाँ लाग्नेछ।</p>
<p>त्यसमा प्रदेश सरकारले एक खर्ब चार अर्ब रूपैयाँ लगानी गर्नेछ भने अपुग १९ अर्ब रूपैयाँ विकास साझेदारहरूसँग सहकार्य गरेर जुटाइनेछ। </p>
प्रतिक्रिया दिनुहोस्
.jpg)
