नेकपा सचिवालय बैठक बस्दै
<p>काठमाडौं। सत्तारुढ नेपाल कम्युनिष्ट पार्टी (नेकपा) को सचिवालय बैठक आज बस्दैछ। </p>
<p>४ मंसीरको सचिवालय बैठकबाट नेकपाको कार्यकारी अध्यक्षको जिम्मेवारी पाएका पुष्पकमल दाहालले आज सचिवालय बैठक बोलाएका हुन्।</p>
<p>सचिवालय बैठक नेकपा केन्द्रीय कार्यालयमा बिहान ९ बजेदेखि बस्ने महासचिव विष्णु पौडेलले <em>देखापढी</em>लाई बताए।</p>
<p>“अहिले नै अजेण्डा त तय भइहालेको छैन, समसामयिक विषयमा छलफल गर्न नियमित बैठक बोलाइएको हो”, पौडेलले भने। </p>
<p>नेकपाका प्रवक्ता नारायणकाजी श्रेष्ठले बैठकमा सीमा विवाद समाधानमा भइरहेका प्रयास, भर्खरै सकिएको उपनिर्वाचनको समीक्षालगायतका विषयले प्रवेश पाउनसक्ने सम्भावना रहेको बताए। </p>
<p>नेकपाका अर्का अध्यक्ष प्रधानमन्त्री केपी शर्मा ओली १० मंसीरमा एपेन्डिसाइटिसको शल्यक्रियापश्चात त्रिवि शिक्षण अस्पताल महाराजगंज परिसरमा रहेको मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा उपचाररत् छन्। </p>
<p>४ मंसीरको सचिवालय बैठकले दाहाललाई कार्यकारी अधिकारसहित अध्यक्षको जिम्मेवारी र अर्का अध्यक्ष केपी शर्मा ओलीले पाँच वर्ष सरकारको नेतृत्व गर्ने निर्णय गरेको थियो।</p>
प्रतिक्रिया दिनुहोस्
.jpg)
