दाहालको अध्यक्षतामा नेकपा सचिवालय बैठक जारी
<p>काठमाडौं। सत्तारुढ नेपाल कम्युनिष्ट पार्टी (नेकपा) को सचिवालय बैठक पार्टी केन्द्रीय कार्यालय धुम्बाराहीमा बसिरहेको छ। </p>
<p>बैठकको अध्यक्षता नेकपाका अध्यक्ष पुष्पकमल दाहालले गरेका छन्। </p>
<p>४ मंसीरको सचिवालय बैठकबाट नेकपाको कार्यकारी अध्यक्षको जिम्मेवारी पाएपश्चात दाहालले पहिलोपटक आज सचिवालय बैठक डाकेका हुन्। </p>
<p><img alt="" height="720" src="https://www.dekhapadhi.com/storage/photos/shares/Politics/ncp meeting 1 pk.jpg" width="960" /></p>
<p> नेकपाका महासचिव विष्णु पौडेलले बैठक नियमित भएको र समसामयिक विषयमा छलफल हुने <em>देखापढी</em>लाई बताए। </p>
<p>उपनिर्वाचनको समीक्षा, सीमा विवाद समाधानमा भइरहेका प्रयास, लगायतका विषयमा पनि छलफल हुनसक्ने नेकपा प्रवक्ता नारयणकाजी श्रेष्ठले जानकारी दिएका छन्। </p>
<p>नेकपाका अर्का अध्यक्ष प्रधानमन्त्री केपी शर्मा ओली १० मंसीरमा एपेन्डिसाइटिसको शल्यक्रियापश्चात त्रिवि शिक्षण अस्पताल महाराजगंज परिसरमा रहेको मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा उपचाररत् छन्। </p>
<p>४ मंसीरको सचिवालय बैठकले दाहाललाई कार्यकारी अधिकारसहित अध्यक्षको जिम्मेवारी र अर्का अध्यक्ष केपी शर्मा ओलीले पाँच वर्ष सरकारको नेतृत्व गर्ने निर्णय गरेको थियो।</p>
<p><br />
</p>
प्रतिक्रिया दिनुहोस्
.jpg)
