पिकअप दुर्घटनामा बर्दिवासमा दुई जनाको मृत्यु, १४ यात्रु घाइते
<p>काठमाडौं। बाराको गढीमाई मेलामा पुगेर फर्कदै गरेको पिकअप महोत्तरीको बर्दिवास नगरपालिका–५ को गढन्ता पुल नजिकै दुर्घटना हुँदा दुईजनाको मृत्यु भएको छ।</p>
<p>दुर्घटनामा १४ जना घाइते भएका छन्। </p>
<p>मृत्यु हुनेमा धनुषाको धनुषाधाम नगरपालिका-२ बस्ने ८० वर्षीया सकुन्तलादेवी साह र भारतको विहार राज्यको सिताही बस्ने अन्दाजी ७० वर्षीया वर्तनियादेवी साह रहेको महोत्तरी प्रहरी प्रमुख एसपी श्यामकृष्ण अधिकारीले <em>देखापढी</em>लाई बताए। </p>
<p>ना २ च ८८५५ नम्बरको पिकअप अनियन्त्रित भइ सडकबाट तल झरेर आज बिहान ४ बजे दुर्घटना भएको हो।</p>
<p>घाइतेहरुको बर्दिवासस्थित शुभस्वस्तिक अस्पतालमा उपचार भइरहेको छ। <br />
</p>
प्रतिक्रिया दिनुहोस्
.jpg)
