धरानका मेयर राईले पदभार सम्हाले
<p>काठमाडौं। धरान उपमहानगरपालिकाका नवनिवार्चित मेयर तिलक राईले आज पदभार सम्हालेका छन्।</p>
<p>मेयर राईले पदभार ग्रहणअघि धरान-१६ मा रहेको गणेशमान सिंहको सालिकमा माल्यार्पण गरेका थिए।</p>
<p>त्यस्तै, धरान-१९ मा रहेको हरियाली सामुदायिक वनभित्र निर्मित स्वर्गीय तारा सुब्बाको सालिकमा समेत माल्यार्पण गरेका थिए।</p>
<p>१४ मंसीरमा सम्पन्न उपनिर्वाचनमा कांग्रेसका उम्मेदवार राई मेयरमा विजयी भएका थिए।</p>
<p>उनले नेकपाका प्रकाश राईलाई २ हजार ७ सय ९५ मतान्तरले पराजित गरेका थिए।</p>
<p>२०७४ मा भएको निर्वाचनमा भने तत्कालीन नेकपा एमालेका तारा सुब्बा मेयर निर्वाचित भएका थिए।</p>
<p>उनको निधनपछि रिक्त पदमा उपनिर्वाचन भएको हो। </p>
<p><br />
</p>
प्रतिक्रिया दिनुहोस्
.jpg)
