महिला क्रिकेटमा नेपालको लज्जास्पद हार
<p>काठमाडौं। १३औं दक्षिण एशियाली खेलकुद (साग)अन्तर्गत महिला क्रिकेटमा नेपालले आज लज्जास्पद हार बेहोरेको छ।</p>
<p>पोखरा क्रिकेट रंगशालामा भएको खेलमा नेपालले बंगलादेशलाई १० विकेटको नतिजा सुम्पिएको हो।</p>
<p>बंगलादेशले हिजाे श्रीलंकालाई ७ विकेटले हराएको थियो।</p>
<p>नेपालले भने पहिलो खेलमा माल्दिभ्सलाई १० विकेटले पराजित गरेको थियो।</p>
<p>टस हारेर ब्याटिङका लागि निम्त्याइएको नेपालले १९.२ ओभरमा सबै विकेट गुमाएर ५० रन बनाएको थियो।</p>
<p>नेपालका रुबिना क्षेत्रीले १३, सोनु खड्काले १२ र इन्दु वर्माले १० रन जोड्नुबाहेक अन्यले दोहोरो अंकमा रन बनाउन सकेनन्।</p>
<p>नेपालका पाँचजनाले रनको खाता खोल्न सकेनन्।</p>
<p>५० रनको लक्ष्य बंगलादेशले ७.४ ओभरमा बिनाविकेट क्षति पूरा गरेको हो।</p>
<p>बंगलादेशका मुर्सिदा खातुन २३ र आयषा रहमान २६ रनमा अविजित रहे।</p>
प्रतिक्रिया दिनुहोस्
.jpg)
