भारतमा विवादास्पद नागरिकता विधेयक स्वीकृत, विपक्षीको विरोध
<p>भारत। भारतीय संघीय मन्त्रिपरिषद्ले आज नागरिकता (संशोधन) विधेयक स्वीकृत गरेको छ।</p>
<p>यस विधेयकमा पाकिस्तान, अफगानिस्तान र बंगलादेशका गैर–मुस्लिम नागरिकलाई नागरिकता दिने प्रावधान समेटिएको छ।</p>
<p>प्रस्तावित विधेयकमा उत्पीडन र अत्याचारको सामना गर्नुपरेका गैर–मुस्लिम नागरिकलाई नागरिकता उपलब्ध गराउने व्यवस्था गरिएको भारतीय संचारमाध्यमहरूले जनाएका छन्।</p>
<p>भारतीय केन्द्रीय मन्त्री प्रकाश जावडेकरले मन्त्रिपरिषद्को निर्णय सार्वजनिक गर्दै आज बिहान उक्त जानकारी दिएका हुन्।</p>
<p>भारतीय लोकसभाको चालू हिउँदे सत्रमा यो विधेयक प्रस्तुत हुनेछ।</p>
<p>केन्द्रीय गृहमन्त्री अमीत शाहले हिजाे यही विषयमा उत्तरपूर्वी भारतीय राज्यहरू मणिपुर, नागाल्याण्ड र आसामका मुख्यमन्त्रीसहित धेरै राजनीतिक नेताहरू र अधिकारकर्मीहरूसँग छलफल गरेका थिए।</p>
<p>भारतीय राष्ट्रिय कंग्रेस समेतका विपक्षी दलहरूले उक्त विधेयकको विरोध गरेका छन्।</p>
<p>धर्मका आधारमा नागरिकता प्रदान गर्न भारतीय संविधानले नै रोकेको उनीहरूको भनाइ छ। <em>रासस-एएनआई</em></p>
प्रतिक्रिया दिनुहोस्
.jpg)
