संगिताले दिलाइन् नेपाललाई अर्को स्वर्ण
<p>काठमाडौं। संगिता बस्यालले तेक्वान्दोमा नेपाललाई थप स्वर्ण पदक जिताएकी छिन्। </p>
<p>१३औं दक्षिण एशियाली खेलकुद (साग)मा संगिताले ६२ केजी मुनिको तौलसमूहमा स्वर्ण पदक जितेकी हुन्। </p>
<p>संगिताले तेक्वान्दोको गेरुगीतर्फ भारतकी गगनजोत गिललाई १९–८ को स्कोरमा परजित गर्दै स्वर्ण पदक जितिन्। </p>
<p>“आफ्नो देशमा स्वर्ण पदक जित्न पाउँदा एकदम खुशी लागिरहेको छ”, उत्साहित बनेकी संगिताले भनिन्, “यसको श्रेय प्रशिक्षक र मेरो परिवारलाई दिन चाहन्छु।”</p>
<p>प्रशिक्षक संगिता बैद्यले खेलाडीको मिहिनेतका कारण स्वर्ण पदक जित्न सफल भएको बताइन्।</p>
<p>उनले थपिन्, “उनले धेरै मिहिनेत गरिकी छिन्। प्रशिक्षकको निर्देशनलाई पनि उनले राम्रोसँग ग्रहण गरिन्।”</p>
<p><br />
</p>
प्रतिक्रिया दिनुहोस्
.jpg)
