बेलायतमा दोस्रो पुस्ताकी नेपाली ब्यारेष्टर
<p>लन्डन। स्‍नेहा शाक्य श्रेष्ठ बेलायतमा दोस्रो पुस्ताकी पहिलो 'ब्यारेष्टर' (कानून व्यवसायी) बन्ने बाटोमा छिन्।</p>
<p>उनी भर्खरै बेलायतको इनर टेम्पल बारको सदस्य भएकी छन्।</p>
<p>उनी यसै वर्ष सिटी ल कलेजबाट बार प्रोफेसनल ट्रेनिङ्ग कोर्समा उच्च अंक (८०.४ प्रतिशत) प्राप्त गरी ब्यारेष्टर बन्ने अन्तिम तयारी 'पुपिलेज' गर्न योग्य भएकी छन्।</p>
<p>अब केही समय अन्य कानूनी फर्ममा काम गरिसकेपछि उनी आफैं प्राक्टिसिङ्ग ब्यारेष्टर बन्नेछिन्।</p>
<p>यसअघि प्रोफेसर डा. सूर्य सुवेदी र देवेन्द्र श्रेष्ठ बेलायतमा ब्यारेष्टरको रूपमा कार्यरत छन् ।</p>
<p>स्नेहा, चौतारा सिन्धुपाल्चोक स्थायी घर भएका बाबु–आमा सुरेन्द्र नेपाल श्रेष्ठ र मिनु शाक्यसँगै करीब दुई दशक पहिले बेलायत आएकी थिइन्।</p>
<p>उनका बाबु पनि अधिवक्ता हुन्।</p>
<p>स्नेहाले कक्षा २ सम्मको शिक्षा नेपालमै हासिल गरेर बाँकी अध्ययन बेलायतमा गरेकी थिइन् ।</p>
<p>स्नेहाले विद्यालय शिक्षा वर्दिग र स्लाओ ग्रामर तथा उच्च शिक्षा युनिभर्सिटी अफ एसेक्सबाट एलएलबी, किंग्स कलेजबाट एलएलएम उत्तीर्ण गरेकी छन्।</p>
<p>लण्डनस्थित प्रसिद्ध किंग्स कलेजको एलएलएमको शोधका निम्ति नेपालमा निकै चर्चा पाएको कर्णेल कुमार लामाको विषयमा अनुसन्धान गरेकी थिइन्।</p>
<p>बेलायतमा पनि नेपाली कानून व्यवसायीको संख्या उल्लेख्य छ।</p>
<p>ब्रिटेन नेपाल लयर्स एशोशियसनको पहलमा नेपालीले पनि यहाँको बारको परीक्षा दिन सक्ने भएका छन्।</p>
प्रतिक्रिया दिनुहोस्
.jpg)
