पुरुष फुटबल: श्रीलंकाविरुद्ध पहिलो हाफमा नेपालको १-० को अग्रता
<p>काठमाडौं। कप्तान सुजल श्रेष्ठले पेनाल्टीमा गरेको गोलमा नेपालले आज श्रीलंकाविरुद्ध पहिलो हाफमा १-० को अग्रता लिएको छ।</p>
<p>१३औं दक्षिण एशियाली खेलकुद(साग)अन्तर्गत पुरुष फुटबलमा नेपालले प्रतियोगिताको दोस्रो खेलमा अहिले श्रीलंकासँग प्रतिस्पर्धा गरिरहेको छ।</p>
<p>दशरथ रंगशालामा ३४औं मिनेटमा श्रीलंकाका खेलाडीले पेनाल्टी क्षेत्रमा अनन्त तामाङलाई फाउल गरेपछि नेपालले पेनाल्टी अवसर पाएको थियो। </p>
<p>उक्त अवसरलाई कप्तान सुजलले कुनै गल्ति नगरी गोलमा परिणत गरेका थिए। उनले बयाँ खुट्टाले हानेको प्रहार गोलमा परिणत भएको थियो। </p>
<p>सुजलले भुटानविरुद्धको पहिलो खेलमा पनि दुई गोल गरेका थिए।</p>
<p>पहिलो खेलमा नेपालले भुटानलाई ४–० ले पराजित गरेको थियो। श्रीलंकाले पहिलो खेलमा माल्दिभ्ससँग गोलरहित बराबरी खेलेको थियो।</p>
<p><br />
</p>
प्रतिक्रिया दिनुहोस्
.jpg)
