नवनिर्वाचित प्रदेशसभा सदस्य विमला खत्रीले लिइन् शपथ
<p>बुटवल। दाङ क्षेत्र नम्बर ३ (२) मा भएको उपनिर्वाचनबाट प्रदेशसभा सदस्य पदमा निर्वाचित विमला खत्री (वली) ले पद तथा गोपनीयताको शपथ ग्रहण गरेकी छन्।</p>
<p>प्रदेश ५ को प्रदेशसभा सचिवालय बुटवलमा आज आयोजित एक समारोहबीच सभामुख पूर्णबहादुर घर्तीले खत्रीलाई शपथ ग्रहण गराएका हुन्।</p>
<p>शपथ ग्रहणपश्चात् पत्रकारसँगको सङ्क्षिप्त कुराकानीमा नवनिर्वाचित प्रदेशसभा सदस्य खत्रीले जनतासामु गरेका वाचा पूरा गर्ने प्रतिबद्धता व्यक्त गरिन्।</p>
<p>प्रदेशसभा सदस्य उत्तरकुमार वलीको सवारी दुर्घटनामा परी निधन भएपछि सो क्षेत्रमा १४ मंसीरमा निर्वाचन भएकाे थियाे। <em>रासस</em></p>
प्रतिक्रिया दिनुहोस्
.jpg)
