थुनुवा फरार प्रकरणः सातमध्ये तीन पक्राउ
<p>लहान। इलाका प्रहरी कार्यालय महेशपुर पतारी सिरहाको हिरासतबाट फरार भएका सातजना थुनुवामध्ये आज तीनजनालाई प्रहरीले पक्राउ गरेको छ।</p>
<p>खाना खुवाउने क्रममा १४ मंसीर साँझ प्रहरी हिरासतमा रहेका ११ जना थुनुवामध्ये सातजना थुनुवा फरार भएका थिए।</p>
<p>फरार भएकामध्ये सखुवानानकरकट्टी गाउँपालिका–१ का २४ वर्षीय रणधीरकुमार यादव, गोलबजार नगरपालिका–६ का २० वर्षीय गणेशकुमार साह र नरहा गाउँपालिका–१ का १८ वर्षीय नवीनकुमार यादवलाई पक्राउ गरेको सिरहाका प्रहरी उपरीक्षक उमाप्रसाद चतुर्वेदीले जानकारी दिए।</p>
<p>फरार रहेका अन्य चार थुनुवाको खोजी कार्य भइरहेको प्रहरी उपरीक्षक चतुर्वेदीले बताए।</p>
<p>थुनुवा फरार भएको घटना छानबिन गर्न प्रदेश २ को प्रदेश प्रहरी कार्यालयका प्रहरी उपरीक्षक हरिराज वाग्लेको नेतृत्वमा पाँच सदस्यीय छानबिन टोलीसमेत गठन गरिएको छ।<em> रासस</em></p>
प्रतिक्रिया दिनुहोस्
.jpg)
