Others

गृहपृष्ठ

महिला भलिबल प्रशिक्षक भट्ट भन्छन्– ‘सम्हालिन नसक्दा स्वर्णबाट चुक्यौं’ काठमाडौं । १३ औं दक्षिण एशियाली खेलकुद (साग) मा नेपाली महिला भलिवल टोलीले इतिहास रचेर फाइनल यात्रा तय गर्&zwj;यो । फाइनलमा चिरपरिचित बलियो प्रतिद्वन्द्वी भारतलाई कडा टक्कर दिएको नेपाली टोली पराजित भए पनि महिला भलिवलकै सबभन्दा ठूलो उपलब्धि रजत पदक पक्का गर्&zwj;यो ।  १७ मंसीरमा त्रिपुरेश्वरस्थित कभर्डहलमा फाइनल खेल चलिरहँदा एक समय त लाग्थ्यो– नेपाली टोलीले स्वर्ण पदक नै जित्नेछ । तर, अन्तिम समयमा रजत पदकमै चित्त बुझाउनुपर्यो ।  राष्ट्रिय महिला भलिबल टोलीका मुख्य प्रशिक्षक जगदीश भट्ट भने स्वर्ण पदकबाट चुके पनि १३औं सागमा नेपाली महिला भलिवल टोलीले ऐतिहासिक प्रदर्शन गरेको बताउँछन् । “हो, खेलाडीहरुले आफुलाई सम्हाल्न नसक्दा हामी स्वर्ण जित्न सफल भएनौं”, भट्टले देखापढीसँग भने, “तर, हामीले इतिहास रच्यौं, त्यतिमात्र नभएर नेपालको समग्र खेलमै सुधार भएको प्रमाण पेस गर्&zwj;यौं ।”  नेपाली महिला भलिबल टोलीले आजसम्म भारतलाई पराजित गर्न सकेको छैन । यसअघि भारतसँगको खेल प्रतिस्पर्धात्मक समेत हुँदैन्थ्यो । तर, फाइनलमा नेपाल र भारत २–२ को अबस्थामा थिए, अन्तिममा बाजी भारतले मारे पनि ।  “यस पटक हामी उच्च मनोबलका साथ मैदानमा उत्रिएका थियौं, भारतीय टोली पनि नेपाली टोलीसामु दबाबमा देखिएको थियो, यो नै आफैमा एक तहको सफलता हो”, भट्टले भने, “भारतमा खेलाडीको सेवासुविधा, प्रशिक्षण र हौसला निकै माथि छ, हामी अत्यन्त न्यून स्रोतसाधनमा खेलिरहेका छौं । यसका बाबजुद पनि हामीले जस्तो खेल्यौं, त्यो गर्व गर्नलायक छ ।” पछिल्लो समय सरकारले खेलाडीको मनोबल बढाउन सेवासुविधामा पनि ध्यान दिएको उनको भनाइ छ । हिंजो खाली खुट्टा खेल्नुपर्ने अबस्थाबाट आएका खेलाडीले १३ औं सागमा २५–३० हजारको जुत्ता लगाएर खेल्न पाएको अनुभव पनि उनले सुनाए । “तर, एउटा खेलाडीले देशका लागि खेलेर देशबाट केही लिन्छु भन्ने आशा गर्नु उसको धर्म होइन”, भट्टले भने, “खेलाडीलाई के दिन सक्छु भनेर सोच्ने दायित्व राज्यको हो ।”  <iframe frameborder="0" height="315" scrolling="no" src="https://www.youtube.com/embed/_I9IIqUNjwk" width="560"></iframe>