वीर अस्पतालको अत्याधुनिक भवन सुनसान
<p>काठमाडौं। वीर अस्पतालको सुविधासम्पन्न नयाँ भवन सुनसान छ। </p>
<p>उपचारका लागि तया पारिएको उपकरण पनि प्रयोगविहीन छन्। </p>
<p>जापान सरकारको सहयोगमा निर्माण गरेर जेठ २०७६ मा हस्तान्तरण गरिएको भवन सञ्चालनमा आएको छैन।</p>
<p>२०७२ सालको भूकम्पका कारण क्षति पुगेका दुई वटा भवनलाई हटाएर भवन बनाइएको थियो। </p>
<p>वीरमा आउने बिरामी शैया नपाएर निजी अस्पताल धाइरहेका छन् तर नयाँ भवन प्रयोगमा ल्याइएको छैन।</p>
<p>तीनतले भवनमा मुटु, मृर्गौला र ग्याँस्ट्रो विभाग राख्ने योजना बनाइएको थियो। विभागको बोर्डसमेत राखिसकिएको छ।</p>
<p>विशेषज्ञ सेवा दिन बेड र उपकरण पनि राखिएका छन्।</p>
<p>“डाक्टर अन्य जनशक्ति पर्याप्त छन्, नर्सिङ जनशक्ति ल्याउन सकिएको छैन’, अस्पतालका निर्देशक डा. केदारप्रसाद सेन्चुरीले भने। </p>
<p>९४ बेडको यो भवन सञ्चालनमा आउन सके बिरामीले पाउने सास्ती कम हुने आजको कान्तिपुर दैनिकमा समाचार छ। </p>
प्रतिक्रिया दिनुहोस्
.jpg)
