चितवन निकुञ्जः बगरमा गैँडाकाे खाग फेला
<p>चितवन। चितवन राष्ट्रिय निकुञ्जको दिव्यपुरी इलाकामा आज बिहान बेवारिसे अवस्थामा एकसिङ्गे गैँडाको खाग फेला परेको छ।</p>
<p>नवलपरासीको रजहरको दक्षिणतर्फ खोलाबगरमा खाग फेला परेको हो।</p>
<p>निकुञ्जका निमित्त प्रमुख संरक्षण अधिकृत वेदबहादुर खड्काले खाग फेला परेको जनाउँदै त्यस विषयमा अनुसन्धान थालिएको बताए। </p>
<p>सो क्षेत्रमा हात्तीसहितको टोलीले अनुगमन गरिरहेको खड्काले जानकारी दिए।</p>
<p>दुई साताअघि एउटा गैँडाको खाग झरेको अवस्थामा सोही क्षेत्रमा देखिएको बताउँदै उनले त्यही गैँडाको खाग हुन सक्ने अनुमान गरिएको बताए।</p>
<p>बिहान १० बजे खाग भेटिएको जानकारी निकुञ्ज प्रशासनले पाएको थियो। <em>रासस</em></p>
प्रतिक्रिया दिनुहोस्
.jpg)
