साइक्लिङमा नेपाललाई थप एक स्वर्ण
<p>काठमाडौं। १३औं दक्षिण एशियाली खेलकुद (साग)अन्तर्गत साइक्लिङको क्रसकन्ट्री पुरुषतर्फ पनि नेपालले स्वर्ण पदक जितेको छ।</p>
<p>गोकर्णस्थित शहीद पार्कमा आज पुरुषतर्फ नेपालले स्वर्ण, रजत र का‌ंस्य तीनै पदक जितेको हाे।</p>
<p>बुद्धिबहादुर तामाङले स्वर्ण पदक जित्दा राजीव राईले रजत पदक जिते।</p>
<p>ओकेशराज बज्राचार्यले कांस्य पदक जिते।</p>
<p>आजै महिलातर्फ पनि नेपालले स्वर्ण पदक जितेको थियो।</p>
<p>लक्ष्मी मगरले महिलातर्फकाे क्रसकन्ट्रीमा स्वर्ण पदक जितेकी हुन्।</p>
<p>उनले ४ किलोमिटरको ४ वटा ल्याप १ घण्टा २० मिनेट २० सकेण्डमा पूरा गरिन्। </p>
<p>यस स्पर्धामा नेपालकै उषा खनालले रजत पदक जितिन्।</p>
<p>उषाले १ घण्टा ३५ मिनेट ५२ सेकेण्डमा दूरी पूरा गरेकी थिइन्।</p>
<p>भारतकी सोनाम प्रनिता प्रफुलले कांस्य पदक जितिन्।</p>
<p>प्रफुलले १ घण्टा ३६ मिनेट २९ सेकेण्डमा दूरी पूरा गरेकी थिइन्। </p>
<p>नेपालले हिजाे डाउनहिलको महिला र पुरुषमा दुवैमा स्वर्ण पदक जितेको थियो।</p>
<p>पुरुषमा राजेश मगरले स्वर्ण, निरभ श्रेष्ठले रजत र प्राचित थापामगरले कांस्य पदक जितेका थिए।</p>
<p>महिलातर्फ रेश्मा श्रेष्ठले रजत र जमुना थापाले कांस्य जितेका थिए।</p>
प्रतिक्रिया दिनुहोस्
.jpg)
