नेकपा अध्यक्ष दाहालले भने- ‘कालापानीको विषय अहिले नै अन्तर्राष्ट्रियकरण गर्नु हुँदैन’
<p>कैलाली। नेपाल कम्युनिष्ट पार्टी (नेकपा) अध्यक्ष पुष्पकमल दाहालले कालापानीको विषयलाई अहिले नै अन्तर्राष्ट्रियकरण गर्नु उचित नभएको बताएका छन्।</p>
<p>धनगढीमा आयोजित पत्रकार सम्मेलनमा दाहालले मिचिएको सीमा फिर्ता ल्याउनेबारे राजनीतिक र कूटनीतिक पहलबाट भारतलाई पत्र पठाइसकिएको जानकारी दिए।</p>
<p>“सरकारले सर्वदलीय र सर्वपक्षीय बैठकबाट राष्ट्रिय धारणा बनाई भारतलाई पत्र पठाएको छ,” दाहाल भन्छन्, “पत्रको जवाफ आएपछि मात्रै कसरी जाने भन्ने विषयमा छलफल हुन्छ।”</p>
<p>पूर्वप्रधानमन्त्रीसमेत रहेका दाहालले भारत सरकारसँग कूटनीतिक छलफल गरेर नेपालको भू–भाग फिर्ता ल्याइने बताए।</p>
<p>अर्को प्रसंगमा नेकपा अध्यक्ष दाहालले प्रधानमन्त्रीको स्वास्थ्य अवस्थाका कारण आफू चीन भ्रमणमा नगएको स्पष्ट पारेका छन्।</p>
<p>“मेरो चीन भ्रमण कूटनीतिक कारणले रोकिएको होइन,” दाहाल भन्छन्, “प्रधानमन्त्रीको स्वास्थ्य अवस्थाका कारण केही पर सरेको हो।”</p>
<p>२० मंसीरमा सुदूरपश्चिम प्रदेश सरकारले आयोजना गर्न लागेको लगानी सम्मेलनमा सहभागी हुन दाहाल धनगढी आएका हुन्।</p>
प्रतिक्रिया दिनुहोस्
.jpg)
