१३औं साग पुरुष फुटबलः भुटानको दोस्रो जित
<p>काठमाडौं। दक्षिण एशियाली फुटबलमा तुलनात्मकरूपमा कमजोर मानिने भुटानले आज माल्दिभ्सलाई २–१ ले पराजित गरेको छ।</p>
<p>१३औं दक्षिण एशियाली खेलकुद (साग) मा भुटानको यो दोस्रो जित हो।</p>
<p>यसअघि भुटानले बंगलादेशलाई १–० ले हराएको थियो।</p>
<p>दोस्रो खेलमा घरेलु टोली नेपालसँग ४–० ले पराजित भएको थियो।</p>
<p>जितसँगै ६ अंक जोडेको भुटान शीर्ष स्थानमा उक्लिएको छ।</p>
<p>भुटानले ३ खेलमा ६ अंक जोडेको छ भने दोस्रो स्थानमा रहेको नेपालले २ खेलबाट ४ अंक जोडेको छ।</p>
<p>दशरथ रंगशालामा छिमी दोर्जेको गोलमा भुटानले ५५औं मिनेटमा अग्रता लिएको थियो।</p>
<p>८४औं मिनेटमा फुब थिनलेले भुटानको अग्रता दोब्बर बनाए।</p>
<p>अन्तिम मिनेटमा माल्दिभ्सका हम्जा मोहमदले गोल गरे पनि माल्दिभ्सलाई खेलमा फर्किन धेरै ढिला भइसकेको थियो।</p>
प्रतिक्रिया दिनुहोस्
.jpg)
