१३औं सागः सुटिङमा भारतको दबदबा कायमै
<p>काठमाडौं। दक्षिण एशियाली खेलकुद(साग) अन्तर्गत सुटिङमा भारतले आज पनि आफ्नो दबदबा कायमै राखेको छ।</p>
<p>सातदोबाटोस्थित सुटिङ रेञ्जमा सम्पन्न १० मिटर एयर राइफल पुरुषको व्यक्तिगत स्पर्धा र टीम स्पर्धामा भारतले स्वर्ण पदक जित्यो।</p>
<p>भारतका पंकज कुमारले २४९.२ अंकका साथ स्वर्ण पदक जित्दा भारतकै किरण अंकुश जाधवले रजत पदक जिते।</p>
<p>जाधवले २४८.७ अंक स्कोर गरेका थिए।</p>
<p>२२८.० अंकका साथ बंगलादेशका अब्दुल बकीले कांस्य पदक जित्न सफल भए।</p>
<p>व्यक्तिगत प्रदर्शनका आधारमा नेपालका अर्नव घिमिरे छनोट चरणको १४औं स्थानमा थिए।</p>
<p>उनले ५८६.७ अंक बनाएका थिए।</p>
<p>१५औं स्थानमा ५८६.६ अंकसहित हरिबहादुर थापा थिए भने अर्का नेपाली खेलाडी कुमार कार्की ५७०.५ अंकसहित १७औं स्थानमा रहँदै छनोट चरणको यात्रा पार गर्न सकेनन्।</p>
<p>टीम इभेन्टमा भारतका यशवर्द्धन, किरण अंकुस जाधव, पंकज कुमारको समूहले १८७५.८ अंकसहित स्वर्ण पदक जितेका हुन्।</p>
<p>यस इभेन्टसमा पाकिस्तानका लटिफ अक्वि, फरिद जिहान उल सकिर र अदिल गुफ्रनको जोडीले रजत पदक जित्यो।</p>
<p>उनीहरूले १८४६.४ अंक जोडेका थिए।</p>
<p>बंगलादेशका मुन्ना मोहम्मद रवि हसन, मोहम्मद रुवेल इस्लाम र अब्दुल्लाह बकीको जोडीले कांस्य जित्याे।</p>
<p>यस्तै सुटिङमा भारतले ५० मिटर राइफल थ्री पोजिसन महिलामा पनि स्वर्ण पदक जितेको छ।</p>
<p>यसको टिम इभेन्टमा पनि भारतल नै स्वर्ण पदक जित्यो ।</p>
<p>भारतकी सुनिधि चौहान, काजल सैनी र गायत्री निथ्यानन्दमको समूहले ३५०४ अंकसहित स्वर्ण पदक जितेको हो।</p>
<p>बंगलादेशका उमि जकिया सुल्ताना,सायद अटिका हसनले ३३९८ अंकसहित रजत पदक जितेको हो।</p>
<p>श्रीलंकाका इडवेला मलवादम, प्रियानाथ कापुगेडरा र कभान्डिका कंकागीको समूहले ३३८२ प्वाइन्टका साथ कांस्य पदक जित्यो।</p>
<p>व्यक्तिगत स्पर्धामा भारत तीनवटै पदक जित्यो।</p>
<p>गायत्री निथ्यानन्दमले ४५३.९ अंकका साथ स्वर्ण पदक जित्दा सुनिधि चौहानले ४५० अंकका साथ रजत र काजल सैनीले ४३६ अंकका साथ कांस्य पदक हात पारिन्।</p>
प्रतिक्रिया दिनुहोस्
.jpg)
