धनगढीमा भएको मेयर कपकाे उपाधि आयोजकलाई
<p>कैलाली। धनगढीमा भएको मेयर एसपिए कप महिला भलिबल प्रतियोगिताको उपाधि आयोजक सुदूरपश्चिमाञ्चल एकेडेमी (एसपिए) ले जितेको छ।</p>
<p>आज भएको फाइनलमा टीकापुरको वीरेन्द्र विद्या मन्दिरलाई ३–२ को सेटमा पराजित गर्दै सुदूरपश्चिमाञ्चल एकेडेमीले उपाधि जितेको हो।</p>
<p>एकेडेमीले वीरेन्द्र विद्या मन्दिरलाई २३–२५, २५–२३, २५–२१, २१–२५ र १५–९ को सेटमा हराएको हो।</p>
<p>उपाधिसँगै सुदूरपश्चिमाञ्चल एकेडेमीले ५० हजार रूपैयाँसहित ट्रफी, मेडल र प्रमाणपत्र पाएको छ। </p>
<p>उपविजेता भएको वीरेन्द्र विद्या मन्दिरले २५ हजार रूपैयाँसहित ट्रफी, मेडल र प्रमाणपत्रमा चित्त बुझाएको छ।</p>
<p>यस्तै प्रतियोगितामा दुर्गालक्ष्मी माविलाई पराजित गर्दै जनता नमूना मावि तृतीय भएकाे छ। </p>
<p>प्रतियोगितामा ७ टीमको सहभागिता थियो।</p>
प्रतिक्रिया दिनुहोस्
.jpg)
