Others

गृहपृष्ठ

दुर्घटनामा दुई जनाको मृत्यु, दुईजना घाईते काठमाडौं। चितवनमा मोटरसाइकल दुर्घटनामा परेर एक जनाको मृत्यु भएको छ। एकजना घाइते भएका छन्। मोटरसाइकल एकापसमा ठोक्किएर भएको दुर्घटनामा भरतपुर महानगरपालिका–२५ का ३६ वर्षीय रामचन्द्र रेग्मीको मृत्यु भएको रहेको जिल्ला प्रहरी कार्यालय चितवनले जनाएको छ ।   भरतपुरबाट रामपुरतर्फ गइरहेको ना.४०प ७३१३ नंको मोटरसाइकल र विपरीत दिशाबाट आउँदै गरेको लु.४प ६६५० नंको मोटरसाइकल भरतपुर महानगरपालिका–१५ रामपुरमा ठोक्किएको थियो । प्रहरीका अनुसार ना.४०प ७३१३ नंको मोटरसाइकल चालक रेग्मीको उपचारका क्रममा चितवन मेडिकल कलेजमा मृत्यु भएको हो । दुर्घटनामा अर्को मोटरसाइकलका चालक भरतपुर महानगरपालिका–२० का २५ वर्षीय मानबहादुर मस्याङ्गी घाइते भएका छन्। उनलको चितवन मेडिकल कलेजमा उपचार भइरहेको छ ।   उता काभ्रेपलाञ्चोकको पाँचखाल नगरपालिका–८, अरनिको राजमार्गस्थित त्रिपन्नकिलोमा गएराति मोटरसाइकल दुर्घटना हुँदा एक जनाको मृत्यु भएको छ । प्रहरीका अनुसार दोलालघाटबाट धुलिखेल जाँदै गरेको मोटरसाइकल अनियन्त्रित भई दुर्घटना भएको थियो। दुर्घटनामा घाइते नवलपरासी दाउन्ने–७ की ४५ वर्षीया नीरमाया तामाङको उपचारका क्रममा धुलिखेल अस्पतालमा मुत्यु भएको हो । दुघर्टनामा मोटरसाइकल चालक ५० वर्षीय खुसीमान तामाङ गम्भीर घाइते भएको प्रहरीले जनाएको छ । मृतक निरमाया खुसीमानकी श्रीमती हुन्।