१३औं साग महिला क्रिकेटः नेपाल श्रीलंकासँग पराजित
<p>काठमाडौं। श्रीलंकालाई ४१ रनको लक्ष्य सुम्पिएपछि महिला क्रिकेटमा नेपालको स्वर्ण पदकको सम्भावना समाप्त भएको छ।</p>
<p>१३औं दक्षिण एशियाली खेलकुद (साग)अन्तर्गत पोखरा रंगशालामा भएको समूह चरणको अन्तिम खेलमा नेपाल श्रीलंकासँग पराजित भएको हो।</p>
<p>टस जितेर ब्याटिङ गरेको श्रीलंकाले निर्धारित २० ओभरमा सात विकेट गुमाएर ११८ रन बनाएको थियो। लिहिनी अप्सराले ३७, जलादी अनालीले ३५, साथ्या सन्दीपानीले २२ तथा हर्षिथा मादवीले १६ रन बनाए।</p>
<p>नेपालका सोनु खड्का र सरस्वती कुमारीले समान दुई विकेट लिँदा अञ्जली चन्दले एक विकेट लिइन्। </p>
<p>११९ रनको लक्ष्य पछ्याएको नेपालले ९ विकेट गुमाएर ७७ रन मात्र बनाउन सक्यो।</p>
<p>नेपालकी कप्तान रुबिना क्षेत्रीले १९, करुणा भण्डारीले १२ तथा अप्सरी बेगमले ११ तथा कविता कुँवरले अविवजित १३ रन बनाउनुबाहेक अन्यले दोहोरो अंकमा रन जोड्न सकेनन्।</p>
<p>श्रीलंकाकी सचिनी निसानसालाले तीन, साथ्या सन्दीपानीले दुई र मालशा रणथुङ्गाले एक विकेट लिए।</p>
<p>जितसँग श्रीलंकाले दोस्रो स्थानमा रहेर फाइनल भिडन्त पक्का गरेको छ।</p>
<p>श्रीलंकाले स्वर्ण पदकका लागि बंगलादेशसँग प्रतिस्पर्धा गर्नेछ।</p>
<p>नेपालले कांस्य पदकका लागि माल्दिभ्सविरुद्ध खेल्नेछ।</p>
<p> </p>
प्रतिक्रिया दिनुहोस्
.jpg)
