एकै ठाउँमा सुदूरपश्चिमका कलाकार
<p>काठमाडौं। सुदूरपश्चिमको कला संस्कृतिको संरक्षण गर्ने उद्देश्यले सुदूरपश्चिमका कलाकारले एकैठाउँमा सांस्कृतिक प्रस्तुति दिने भएका छन्।</p>
<p>सुन्दरपश्चिम विकास मञ्चको आयोजनामा २८ मंसीरमा काठमाडौंको जमलस्थित राष्ट्रिय नाचघरमा सांस्कृतिक कार्यक्रम हुँदैछ।</p>
<p>कार्यक्रममा सुदूरपश्चिमका चर्चित कलाकारहरूको प्रस्तुति रहने प्रस्तुति रहने मञ्चका अध्यक्ष भोजराज भट्टले जानकारी दिए।</p>
<p>कार्यक्रमको दिउँसो २ बजे उद्योग वाणिज्य तथा आपूर्तिमन्त्री लेखराज भट्टले उद्घाटन गर्ने कार्यक्रम रहेको भट्टको भनाइ छ।</p>
<p>कार्यक्रममा बिनोद बाजुराली, अराज केशव, महेश आउजी, चक्र बम, भीम केसी, मोहन अवस्थी, पुष्पा बोहरा, रेखा जोशीलगायत ३० बढी कलाकारको प्रस्तुति रहनेछ।</p>
<p>यस्तै लोकप्रिय नृत्य समूहका देबु ओराले समेत आफ्नो प्रस्तुति दिने कार्यक्रम छ।</p>
<p>“काठमाडौंमा बस्ने अन्य ठाउँका मानिसहरूलाई सुदूरपश्चिमको कलासंस्कृतिको प्रचारप्रसार गर्न कार्यक्रम आयोजना गर्ने जमर्को गरेका हौं,” भट्ट भन्छन्।</p>
<p>कार्यक्रम प्रवेशका लागि पाँच सय र एक हजार गरी दुई प्रकारको टिकटको व्यवस्था गरिएको छ।</p>
<p> </p>
प्रतिक्रिया दिनुहोस्
.jpg)
