नेपालले जित्यो ४१ स्वर्ण पदक
<p>काठमाडौं। १३औं दक्षिण एशियाली खेलकुद (साग)मा नेपालले हालसम्म ४१ वटा स्वर्ण जितेको छ।</p>
<p>नेपालले आज थप पाँच स्वर्ण जितेको हो।</p>
<p>नेपालका लागि आज भारोत्तोलनमा ८९ किलो तौल समूहमा विकास थापाले स्वर्ण पदक जिते।</p>
<p>भारोत्तोलनमा नेपालले पुरुषतर्फ स्वर्ण पदक जितेको यो दोस्रो पटक हो।</p>
<p>विकासले स्न्याचतर्फ १२३ किलो र क्लिन एण्ड जर्कतर्फ १४६ किलो गरी समग्रमा २६९ किलो भार उचालेका थिए।</p>
<p>त्यस्तै, गौरिकाले पौडीमा अर्को स्वर्ण पदक जितेकी छन्।</p>
<p>गौरिकाले आज २०० मिटर ब्याकस्ट्रोकमा स्वर्ण पदक जितेकी हुन्।</p>
<p>उनले २ मिनेट १७ दशमलव ७३ सेकेन्डमा दूरी पार गर्दै स्वर्ण जित्न सफल भएकी हुन्।</p>
<p>त्यस्तै गल्फमा नेपालले आज दुई स्वर्ण पदक जितेको छ।</p>
<p>पुरुष व्यक्तिगत स्पर्धा सुवास तामाङले स्वर्ण पदक जितेका हुन्।</p>
<p>टीम इभेन्टमा पनि नेपालले स्वर्ण जित्यो। टीममा शुक्रबहादुर राई, टंकबहादुर कार्की, सुवास तामाङ र निरज तामाङ थिए।</p>
<p>सागमा गल्फ समावेश गरिएको यो पहिलो पटक हो।</p>
<p>गल्फमा ४ स्वर्णका लागि प्रतिस्पर्धा हुनेछ।</p>
<p>त्यस्तै एथलेटिक्सतर्फ गोपिचन्द्र पार्कीले नेपालका लागि अर्को स्वर्ण दिलाएका छन्।</p>
प्रतिक्रिया दिनुहोस्
.jpg)
