टेबलटेनिसमा नेपाललाई चार पदक
<p>काठमाडौं। १३औं दक्षिण एशियाली खेलकुद (साग)को टेबलटेनिसमा नेपालले चार पदक जितेको छ।</p>
<p>लैनचौरस्थित टेबलटेनिस हलमा १६ मंसीरमा भएको प्रतियोगितामा नेपालले पुरुष टीम इभेन्टमा रजत, महिला टीम इभेन्टमा कांस्य, पुरुष व्यक्तिगत स्पर्धामा स्यान्टु श्रेष्ठ र पुरुषोत्तम बज्राचार्यले कांस्य पदक हात पारे।</p>
<p>भारतीय खेलाडीसँग पराजित भएका नेपाली खेलाडी स्यान्टु र पुरुषोत्तमले टेबलटेनिसको साग इतिहासमा व्यक्तिगत स्पर्धातर्फ पहिलो पटक पदक जितेका हुन्।</p>
<p>आज बिहान सम्पन्न सेमिफाइनलमा स्यान्टु भारतीय खेलाडी अमलराज एन्थोनिसँग ४–० को सेटमा पराजित भए।</p>
<p>उनी एन्थोनीसँग ११–४, १२–१०, ११–८, ११–२ को सेटमा पराजित भए।</p>
<p>अर्को सेमिफाइनलमा पुरुषोत्तम भारतीय खेलाडी हर्मित देशाईसँग ४–० को सेटमै पराजित भए।</p>
<p>उनी ११–५, ११–४, ११–१ र ११–४ को सेटमा पराजित भएका हुन्।</p>
<p>सागमा नेपाललले पुरुष टीम इभेन्टमा ऐतिहासिक रजत पदक जित्यो। शिवसुन्दर गोथे, स्यान्टु श्रेष्ठ र पुरुषोत्तम श्रेष्ठ टीम पहिलो पटक टीम इभेन्टको फाइनलमा पुगेको थियो।</p>
<p>टेबलटेनिसमा चौथो पदक महिला टीम इभेन्ट्समा नेपालले कांस्य जितेको थियो। नविता श्रेष्ठ, रविना महर्जन र सिक्का सुवालको टोलीले कांस्य जितेको थियो।</p>
प्रतिक्रिया दिनुहोस्
.jpg)
