महोत्तरीमा ‘लोडेड पेस्तोल’ बरामद्
<p>महोत्तरी। जलेश्वर नगरपालिका–६, लच्काबाट पाँच राउण्ड गोली लोड गरिएको पेस्तोल बरामद गरिएको छ।</p>
<p>सशस्त्र प्रहरी बल, नेपाल बोर्डर आउट पोष्ट जलेश्वरबाट खटिएको टोलीले आज ७.६५ एमएम लेखेको ‘लोडेड पेस्तोल’ र एक थान म्याग्जीन बरामद् गरेको हो।</p>
<p>सशस्त्र प्रहरीका अनुसार भिट्टामोड–जलेश्वर सडकखण्डको रातु खोला पुलको पूर्वतर्फ खरघारीमा सो पेस्तोल फेला परेको हो ।</p>
<p>सशस्त्र प्रहरी टोलीले बरामद् पेस्तोल, गोली र म्याग्जीन जिल्ला प्रहरी कार्यालय महोत्तरीमा बुझाएको छ।</p>
<p> </p>
प्रतिक्रिया दिनुहोस्
.jpg)
