म्याराथनमा किरणले दिलाए स्वर्ण, बैकुण्ठको कीर्तिमान अझै अटल
<p>काठमाडौं। नेपालका किरणसिंह बोगटीले तेह्रौं दक्षिण एशियाली खेलकुद (साग) अन्तर्गत पुरुष म्याराथनमा स्वर्ण पदक जितेका छन्। </p>
<p>४२.१९५ किलोमिटर दुरीको म्याराथन किरणसिंहले २ घण्टा २१ मिनेट १७ सेकेण्डमा पूरा गर्दै स्वर्ण पदक जितेका हुन्।</p>
<p>रजत पदक भारतका जसपाल सिंहले जिते। उनले निर्धारित दुरी २ घण्टा २१ मिनेट ५७ सेकेण्डमा पूरा गरे। काश्य पदक पनि भारतकै श्री सिंहले जिते। उनले २ घण्टा २२ मिनेट ०७ सेकेण्डमा दुरी पूरा गरे।</p>
<p>नेपालका अर्का धावक होमलाल श्रेष्ठ चौथो स्थानमा आए। उनले २ घण्टा २४ मिनेट ३१ सेकेण्डमा दुरी पूरा गरेका थिए।</p>
<p>यससँगै नेपालका बैकुण्ठ मानन्धरले सागमा बनाएको कीर्तिमान कम्तीमा अबको दुई वर्ष कायमै रहने भएको छ। </p>
<p>म्याराथनमा पुरुषतर्फको कीर्तिमान बैकुण्ठ मानन्धरका नाममा छ। उनले १९८७ को सागमा २ घण्टा १५ मिनेट ०३ सेकेण्डमा दुरी पूरा गरेका थिए।</p>
<p>त्यस्तै महिलातर्फको कीर्तिमान भारतकी भि सथ्यमाभाको नाममा छ। उनले १९९५ को सागमा २ घण्टा ३८ मिनेट १० सेकेण्डमा ४२.१९५ किलोमिटर दुरी पूरा गरेर कीर्तिमान राखेकी थिइन्।</p>
प्रतिक्रिया दिनुहोस्
.jpg)
