साग क्रिकेटः जित्नैपर्ने खेलमा नेपाल बंगलादेशसँग पराजित, स्वर्णको दौड समाप्त
<p>काठमाडाैं। नेपाली क्रिकेट टोलीले बंगलादेशलाई जित्नैपर्ने खेलमा ४४ रनको हार व्यहोरेको छ। योसँगै १३औं दक्षिण एशियाली खेलकुद (साग) मा क्रिकेटमा स्वर्ण जित्ने नेपालको आशा पनि समाप्त भएको छ।</p>
<p>बंगलादेशसँग पराजित भएपछि नेपाल फाइनल पुग्ने दौडबाट बाहिरिएको हो।</p>
<p>कीर्तिपुरस्थित त्रिवि क्रिकेट मैदानमा बंगलादेशले दिएको १५६ रनको लक्ष्य पछ्याएको नेपालले २० ओभरमा ९ विकेटको क्षतिमा १११ रनमात्र बनाउन सक्यो।</p>
<p>कप्तान ज्ञानेन्द्र मल्लले ४३, उपकप्ताद दीपेन्द्रसिंह ऐरीले १६ र अविनाश बोहराले १३ रन बनाए पनि अन्य व्याट्सम्यानले दोहोरो अंक छुन नसक्दा नेपाल लक्ष्यबाट टाढै रह्यो।</p>
<p>यसअघि बंगलादेशले २० ओभरमा ६ विकेट गुमाएर १५५ रन बनाएको थियो। बंगलादेशका नजिमुल हसनले ५२ रन बनाए।</p>
प्रतिक्रिया दिनुहोस्
.jpg)
