कर्मचारीलाई प्रलोभनमा नपर्न मन्त्री अर्यालको निर्देशन
<p>पोखरा। भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले कर्मचारीको कुशलता मूलद्वारबाटै झल्किनुपर्ने बताएकी छन्।</p>
<p>नापी विभाग, भूमि व्यवस्थापन तथा अभिलेख विभागले आज पोखरामा गरेको ‘आर्थिक वर्ष २०७५/०७६ को वार्षिक प्रगति समीक्षा गोष्ठी’मा मन्त्री अर्यालले मालपोत र नापी सुध्रिएछन् भन्ने गरी काम गर्न कर्मचारीलाई निर्देशन दिएकी हुन्।</p>
<p>कमजोर मनस्थिति नबनाउन आग्रह गर्दै मन्त्री अर्यालले सेवाभावका साथ प्रस्तुत हुन आग्रह गरिन्।</p>
<p>“जागिरे मानसिकताबाट माथि उठेर काम गर्नुस्, गल्ती नगरेसी डराउनुपर्ने अवस्था छैन,” मन्त्री अर्यालले भनिन्, “गल्ती नगरेकालाई अख्तियारले लगेको छैन, गल्ती गरेको प्रमाणै फेला परेपछि त के गर्नु।”</p>
<p>मन्त्री अर्यालले काम गर्ने क्रममा कुनै पनि प्रलोभनमा नपर्न कर्मचारीलाई निर्देशन दिइन्।</p>
प्रतिक्रिया दिनुहोस्
.jpg)
