नेपालद्वारा माल्दिभ्स २-१ ले पराजित, फाइनल पुग्ने सम्भावना बलियाे
<p>काठमाडौं। अभिषेक रिजाल र अनन्त तामाङको गोलप्रेरित नेपालले आज माल्दिभ्सलाई २-१ ले पराजित गर्दै १३औं दक्षिण एशियाली खेलकुद (साग) अन्तर्गत पुरूष फुटबलको फाइनल पुग्ने सम्भावना बलियो बनाएको छ।</p>
<p>इब्राहिम महुद्दी हुसैनको गोलमा माल्दिभ्सले १८औं मिनेटमा अग्रता लिएको थियो।</p>
<p>उनले हुसेन सिफाउ यूसुफको लामो क्रसलाई बायाँ खुट्टाले पोष्टको दिशा दिएका थिए।</p>
<p>नेपालका अभिषेक रिजालले पहिलो हाफ सकिन २ मिनेट बाँकी छँदा बराबरी गोल फर्काए।</p>
<p>५१औं मिनेटमा अनन्त तामाङले गरेको गोल नेपालको जितमा निर्णायक बन्यो।</p>
<p style="text-align:center"><img alt="" height="560" src="https://www.dekhapadhi.com/storage/photos/shares/Sports/nepal_maldives_football2.jpg" width="840" /></p>
<p>सुनिल बलको कर्नर प्रहारलाई अनन्तले हेडमार्फत् गोल गरेका हुन्।</p>
<p>जितसँगै नेपाल ७ अंकका साथ शीर्ष स्थानमा उक्लिएको छ। ३ खेलबाट भुटान ६ अंकका साथ दोस्रो स्थानमा छ।</p>
<p>समान ३ खेलबाट ४ अंक जोडेको बंगलादेश तेस्रो स्थानमा छ।</p>
<p>नेपालले अब समूहको अन्तिम खेल बंगलादेशविरूद्ध भाेलि, २२ मंसीर अपरान्ह ५ बजे खेल्नेछ।</p>
<p>भुटानले आजै श्रीलंकाविरूद्ध खेल्नेछ।</p>
<p>माल्दिभ्सको सम्भावना लगभग समाप्त भएको छ।</p>
<p>माल्दिभ्स र श्रीलंकाको समान २ अंक छ। गोल अन्तरमा माल्दिभ्स अन्तिम स्थानमा छ।</p>
<p>नेपालले पहिलो हाफमा गोलका दुई राम्रो अवसर खेर फालेको थियो।</p>
<p>कप्तान सुजलले ११औं मिनेटमा बायाँ खुट्टाले हानेको प्रहार क्रसबारमा लागेर फर्किएको थियो।</p>
<p>त्यस्तै २० मिनेटमा अभिसेककै क्रसमा रेजिन सुब्बाले पहिलो बार च्यापेर गरेको हेडिङ बारमा लागेर बाहिरिएको थियो।</p>
प्रतिक्रिया दिनुहोस्
.jpg)
