Others

गृहपृष्ठ

फेन्सिङमा स्वर्णबाट चुकिन् रविना काठमाडौं। नेपालकी रविना थापा आज फेन्सिङमा ऐतिहासिक स्वर्ण पदक जित्नबाट चुकेकी छन् ।  १३औं दक्षिण एशियाली खेलकुद (साग) अन्तर्गत फेन्सिङको महिला व्यक्तिगत स्पर्धातर्फ साबरको फाइनलमा बंगलादेशकी मुजिब फतिमासँग १५–१० ले पराजित भएपछि रविनाले रजत पदकमा  चित्त बुझाउनुपर्&zwj;याे । उनले सेमिफाइनलमा नेपालकै अस्मिता बस्नेतलाई पराजित गर्दै फाइनलमा स्थान बनाएकी थिइन्।  अस्मिता र भारतकी डायनादेवी थिङ्गुजामले कांस्य पदकमा चित्त बुझाए । महिला इपीमा भने नेपाली खेलाडी सेमिफाइनलमै रोकिए । नेपालका जानुका स्याङ्तान र इन्दिरा पौडेल सेमिफाइनलमा भारतीय खेलाडीसँग पराजित भएपछि कांस्य पदकमा चित्त बुझाउन बाध्य भए। यस स्पर्धामा भारतकी कवितादेवी थाउदामले स्वर्ण र शितल दलालले रजत पदक जिते । पुरुषको व्यक्तिगत फ्वेलतर्फ भने भारतीय खेलाडीले दबदबा कायमै राखे। भारतका विनोथकुमार भेलाउथामले स्वर्ण, राजेश्वर सिंहले रजत पदक जिते । यस्तै श्रीलंकाका थारिदु मधुमल कन्दना र बंगलादेशका रुबेल मियाले कांस्य पदक जिते । फेन्सिङमा भाेलीदेखि टिम इभेन्टका प्रतिस्पर्धा शुरू हुनेछ । फेन्सिङमा अहिलेसम्म भारतले पाँच र बंगलादेशले एक स्वर्ण जितेको छ ।