कार्यालयमै बन्धक बनाएर बलात्कार गरेको आरोपमा हेल्थपोस्टका इन्चार्ज पक्राउ
<p>काठमाडौं। रौतहटमा एक महिलालाई स्वास्थ्य संस्थाभित्रै बन्धक बनाएर बलात्कार गरेको आरोपमा एक स्वास्थ्यकर्मी पक्राउ परेका छन्। </p>
<p>चितवनबाट घुम्न आएकी एक ३० वर्षीया महिलालाई बलात्कार गरेको आरोपमा यमुनामाई गाउँपालिकास्थित सरुअठा स्वास्थ्य चौकीका इन्चार्ज, ४५ बर्षीय सुधीरकुमार सिंह पक्राउ परेका हुन् । सिंहले आफूलाई स्वास्थ्य संस्थाभित्रै बन्धक बनाएर बलात्कार गरेको जाहेरी प्रहरीमा दिएकी थिइन् ।</p>
<p>“बन्धक बनाएर बलात्कार गरेको भन्ने उजुरीपछि उनलाई हिंजो पक्राउ गरेका हौं” जिल्ला प्रहरी कार्यालय रौतहटका निमित्त प्रमुख, प्रहरी नायव उपरीक्षक नविन कार्कीले भने, “थप अनुसन्धान भइरहेको छ।” </p>
<p>डीएसपी कार्कीले उनलाई आइतबार रौतहट जिल्ला अदालतबाट म्याद थप गरेर कारबाही प्रक्रिया अघि बढाइने <em>देखापढी</em>लाई जानकारी दिए।</p>
<p>१७ मंसिरमा चितवनबाट घुम्न रौतहट पुगेकी ती महिलालाई अर्को दिन सिंहले बसपार्क पुर्‍याइदिने भन्दै स्वास्थ्य संस्थामै लगेर रातभर बलात्कार गरेको आरोप छ । </p>
<p>घर फर्किन गाडी कुरिरहेको बेला आफूले सहयोग गर्ने भन्दै उनले मोटरसाइकलमा राखेर लिएका थिए ।</p>
<p>त्यहाँ पुर्‍याएर रातभर बलात्कार गरेको र यातना दिएको दाबी गर्दै ती महिलाले जिल्ला प्रहरी कार्यालयमा उजुरी दिएकी छिन्। </p>
<p>पीडित महिलाको जिल्ला अस्पताल गौरमा स्वास्थ्य परीक्षण गरिएको छ।</p>
प्रतिक्रिया दिनुहोस्
.jpg)
