माल्दिभ्सका प्रशिक्षक बर्खास्त
<p>काठमाडौं। १३औं दक्षिण एसियाली खेलकुद (साग)मा आज पुरुष फुटबलमा नेपालसँग २–१ ले पराजित भएपछि माल्दिभ्स फुटबल संघले मुख्य प्रशिक्षक पिटर सेगर्टलाई बर्खास्त गरेको छ।</p>
<p>नेपालमा १५ मंसीरबाट जारी सागमा माल्दिभ्स नेपालसँग पराजित भएसँगै पदक होडबाट बाहिरिएको छ।</p>
<p>४ खेलबाट २ अंक जोडेको माल्दिभ्स प्रतियोगिताबाट बाहिरिएको छ।</p>
<p>‘मुख्य प्रशिक्षकसँगको छलफलपछि उनीसँगको सम्झाैता तत्काल लागू हुने गरी भङ्ग गरिएको छ,’ माल्दिभ्स फुटबल एशाेसिएसनले ट्वीट गरेको छ, ‘उनको नेतृत्वमा टोलीले हासिल गरेको सफलता र विकासका लागि धन्यवाद छ।’</p>
<p>दक्षिण एशियामा बलियो मानिने माल्दिभ्स भुटानसँग २–१ ले पराजित भएको थियो भने बंगलादेशसँग १–१ को बराबरी खेलेको थियो।</p>
<p>माल्दिभ्सले श्रीलंकासँग पनि गोलरहित बराबरी खेलेको थियो।</p>
<p>माल्दिभ्स ४ खेलमा २ अंक जोडेर पुछारमा रहेको छ।</p>
प्रतिक्रिया दिनुहोस्
.jpg)
