पाँच लाख २९ हजार भारूसहित तीनजना पक्राउ
<p>सिरहा। प्रहरीले सिरहाको भगवानपुर गाउँपालिका–१, भगवानपुर चोकमा चेकजाँच गर्ने क्रममा गाडीमा रहेको पाँच लाख २९ हजार भारतीय रूपैयाँसहित तीनजनालाई पक्राउ गरेको छ।</p>
<p>अस्थायी प्रहरी पोष्ट भगवानपुरले लहानबाट सीमावर्ती ठाडीतर्फ जाँदै गरेको भारतीय नम्बर प्लेट डब्लुबी ०६ एफ ७२३२ नम्बरको कारलाई सुरक्षा जाँच गर्दा सो रकम बरामद भएको सिरहा प्रहरीले जनाएको छ।</p>
<p>कारमा सवार कर्जन्हा नगरपालिका–९ का २७ वर्षीय उमेशकुमार महराको साथबाट चार लाख भारतीय रूपैयाँ, लहान नगरपालिका–१९ का ३४ वर्षीय जिवछकुमार साहको साथबाट एक लाख २९ हजार भारतीय रूपैयाँ गरी पाँच लाख २९ हजार बरामद् भएको सिरहाका प्रहरी प्रमुख, प्रहरी उपरीक्षक उमाप्रसाद चतुर्वेदीले बताए।</p>
<p>उनीहरूसँगै गाडी चालक सुनसरीको रामधुनी नगरपालिका–९ का ३६ वर्षीय श्रवणकुमार चौधरीलाई पनि पक्राउ गरिएको छ।</p>
<p>स्रोत नखुलेको सो रकमसहित थप अनुसन्धानको लागि आन्तरिक राजश्व कार्यालय ईटहरीमा पठाइएको प्रहरी उपरीक्षक चतुर्वेदीले बताए।</p>
प्रतिक्रिया दिनुहोस्
.jpg)
