चार नेपाली महिला बक्सर फाइनलमा
<p>काठमाडौं। १३औं दक्षिण एशियाली खेलकुद (साग)अन्तर्गत बक्सिङतर्फ आज तीन नेपाली महिला बक्सरले फाइनलमा स्थान पक्का गरेका छन्।</p>
<p>आज तीन महिला फाइनलमा स्थान पक्का गरेसँगै बक्सिङमा चार नेपाली महिला बक्सरले स्वर्णका खेल्ने भएका छन्। </p>
<p>ललितपुरको सातदोबाटोमा भएको खेलमा नेपाली महिला खेलाडीहरू ललिता महर्जन, मीनु गुरुङ र संगीता सुनारले फाइनलमा स्थान बनाएका हुन्।</p>
<p>६४ किलाेमा पूनम रावलले यसअघि नै 'बाई' पाएर फाइनलमा स्थान बनाएकी थिइन्।</p>
<p>महिला ४८ किलाे तौल समूहको खेलमा ललिताले श्रीलंकाकी नादिका पुष्प रनासिंघे अराचचिघेलाई हराउँदै फाइनलमा स्थान बनाएकी हुन्।</p>
<p>महिला ५४ किलाे तौल समूहमा मीनुले बंगलादेशकी ओनिता ईस्लामलाई पराजित गरेकी हुन्।</p>
<p>यसैगरी ६० केजी तौल समूहमा संगीताले श्रीलंकाकी केशानी हंसिका कस्तुरी अर्चचिघेलाई हराउँदै भारतकी परबिनसँग स्वर्णका लागि भेट पक्का गरिन्।</p>
<p>परबिन भने 'बाई' पाएर सोझै फाइनल प्रवेश गरेकी हुन्।</p>
<p>पुरुष ४९ किलाे तौल समूहको खेलमा भने नेपालका सुशील थापामगर भारतका विनोद तनवरसँग पराजित भए। हारसँगै सुशील कांस्य पदकमा चित्त बुझाउन बाध्य भए।</p>
<p>५६ किलाे तौल समूहमा नेपालका पूरन राई कांस्य पदकमा सीमित बने।</p>
<p>६४ किलाे तौलमा नेपालका भूपेन्द्र थापामगरले बंगलादेशका मोहमद अलामिनलाई हराउँदै फाइनलमा प्रवेश गरेका छन्। पुरुष ९१ किलाेमा नेपालका अर्जुन सिगु भारतका गौरव चौहानसँग पराजित हुँदै कांस्य पदकमा चित्त बुझाउनु पर्‍यो। </p>
<p><strong>दोस्रो दिनको खेलपछि फाइनल पुग्ने नेपाली खेलाडीहरुः</strong><br />
<strong>महिलातर्फः </strong>ललिता महर्जन (४८ किलाे), मीनु गुरुङ (५४ किलाे), संगीता सुनार (६० किलाे), पूनम रावल (६४ किलाे)<br />
<strong>पुरुषतर्फः</strong> आशिष दुवाडी (९१ किलाेमाथि), भूपेन्द्र थापामगर (६४ किलाे)</p>
<p><strong>कांस्य पक्का हुने खेलाडीहरूः</strong><br />
सुशील थापामगर, पूरन राई, अर्जुन सिगु</p>
प्रतिक्रिया दिनुहोस्
.jpg)
