बास्केटबलमा नेपालको मिश्रित प्रदर्शन
<p>काठमाडौं। १३औं दक्षिण एशियाली खेलकुद (साग)अन्तर्गत ‘थ्री बाइ थ्री’ बास्केटबलको पुरुषतर्फ नेपालले आज मिश्रित प्रदर्शन गरेको छ।</p>
<p>त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा पहिलो दिन बंगलादेशलाई २१–९ ले पराजित गरेको नेपाल श्रीलंकासँग १८–१४ ले पराजित भयो।</p>
<p>पुरुषकै अन्य खेलमा भारतले दोहोरो जित निकाल्यो।</p>
<p>भारतले श्रीलंकालाई २१–१३ तथा बंगलादेशलाई २१–११ ले पाखा लगायो।</p>
<p>महिलामा भारतले श्रीलंकामाथि १८–१० को जित निकाल्यो ।</p>
<p>राखेपको कभर्डहलमा भएको बास्केटबलकै फुल कोर्टतर्फ पुरुषमा भारत समूह ‘बी’ को विजेता हुँदै सेमिफाइनलमा पुगेको छ।</p>
<p>भारतले श्रीलंकालाई १२५–५० ले पन्छायो ।</p>
<p>महिलामा भारत र भुटानले सफलता हात पारे। भारतले श्रीलंकालाई १३६–५० तथा भुटानले बंगलादेशलाई ७८–१९ ले पन्छाए।</p>
प्रतिक्रिया दिनुहोस्
.jpg)
