१३औं साग पुरूष स्क्वासः फाइनलमा भारत र पाकिस्तान
<p>काठमाडौं। पाकिस्तानका तयब अस्लम र भारतका हरिन्दर सिंहले १३औं दक्षिण एशियाली खेलकुद(साग) अन्तर्गत स्क्‍वासको पुरुष एकल स्पर्धाको फाइनलमा स्थान बनाएका छन्।</p>
<p>सातदोबाटोस्थित नेपाल स्क्वास र्‍याकेट संघको हलमा आज भएका सेमिफाइनल खेलमा अस्लमले भारत र हरिन्दरले पाकिस्तानी खेलाडीलाई हराउँदै स्वर्णका लागि भिडन्त पक्का गरेका हुन्।</p>
<p>सेमिफाइनलमा भारतका अभय सिंहलाई ६–११, ११–४, १२–१४, १२–१०, ११–७ ले हराउँदै अस्लम फाइनल पुगेका हुन्।</p>
<p>हरिन्दरले पनि सेमिफाइनलमा पाकिस्तानका मेहबुब फरहानलाई ९–११, ११–८, ६–११, ११–८, ११–९ ले हराउँदै फाइनलमा स्थान बनाएका हुन्।</p>
<p>महिला एकलतर्फ पनि भारतकै दुई खेलाडीले सेमिफाइनलमा पाकिस्तानी प्रतिद्वन्द्वीलाई स्तब्ध बनाए।</p>
<p>पहिलो सेमिफाइनलमा भारतकी सुनयना कुरुभिल्लाले पाकिस्तानकी फैजा जफरलाई ९–११,११–६, ११–० र ११–५ ले हराउँदै स्वर्ण प्रतिस्पर्धाको यात्रा तय गरेकी थिइन्।</p>
<p>अर्को सेमिफाइनलमा पनि भारतकै तान्भी खन्नाले पनि पाकिस्तानकी मदिना जफरलाई १२–१०, ११–६ र ११–७ ले हराउँदै फाइनलमा स्थान बनाएकी थिइन् ।</p>
<p>पुरुष र महिलाको फाइनल प्रतिस्पर्धा २२ मंसीरमा हुनेछन् भने पुरुष र महिलाको टीम स्पर्धा पनि हुनेछन्।</p>
प्रतिक्रिया दिनुहोस्
.jpg)
