बर्नमाउथमाथि लिभरपुलको ३-० को जित
<p>काठमाडौं। बर्नमाउथ भ्रमणमा ३–० को सहज विजय हासिल गरेपछि लिभरपुलले शनिबार इङ्लिस प्रिमियर लिगको शीर्ष स्थानमा ११ अंकको स्पष्ट अग्रता लिएको छ।</p>
<p>जोर्डन हेन्डरसनले दिएको लामो पासमा एलेक्स अक्सलेड–चेम्बरलिनले गरेको गोलबाट लिभरपुलले ३५औं मिनटमा अग्रता लिएको थियो। विपक्षी पोष्टमा सात प्रहार गरेका चेम्बरलिन एकमा मात्र सफल भएका थिए।</p>
<p>नाबी केइटाले ४४औं मिनटमा पाहुना टोलीको अग्रता दोब्बर बनाए। उनले मोहम्मद सालाहको पासमा गोल गरेका थिए। केइटाकै पासमा सालाहले ५४औं मिनेटमा अर्को गोल थपेपछि लिभरपुल सहज जित निकाल्न सफल भएको हो।</p>
<p>जितसँगै १६ खेलबाट ४६ अंक जोडेको लिभरपुलले दोस्रो स्थानको लेस्टरलाई ११ अंकले पछि पारेको छ।</p>
<p>३३ अंकका साथ तेस्रो स्थानमा रहेको म्यानचेस्टर सिटीले डर्बी खेलमा म्यानचेस्टर युनाइटेडविरुद्ध खेलिरहेको छ। लेस्टरले आइतबार एस्टन भिल्लाविरुद्ध खेल्दैछ।</p>
प्रतिक्रिया दिनुहोस्
.jpg)
